聖誕仲有一個月先到，但係家開始已經興奮定啦！聖誕例牌食朱古力，想有新意，就一定要試吓Jean-PaulHévin為今個聖誕推出嘅「好奇心」朱古力系列。好奇在你完全估唔到眼前呢個聖誕樹上的飾物竟然可以放落口嘅朱古力BouleNacrée，入面仲有個小驚喜㖭，真係仲出奇過出奇蛋，想知入面係乜？就要自己試吓啦！當聖誕禮物送畀人認真有姿勢又有實際！聖誕蛋糕BucheduVoyageGriotte同樣有驚喜，賣相紅噹噹已經非常有心思，其實係由榛子及蛋白製成嘅蛋糕，配上Araguani（米納斯吉拉斯）朱古力同埋車厘子果蓉，造型精緻到唔捨得放入口呀！
記者：徐務研
查詢：香港九龍尖沙嘴海港城海洋中心212店 （27353268）