李連杰出年要同李安合作拍《太極傳奇》，呢部戲總投資達10億人民幣，下個月6號，中影同美國投資方會喺北京搞簽約儀式，為配合內地官方推廣太極，令市民強身健體，稍後會喺武當山打造全球首個武術主題公園，成為世界健康養生大本營。日前李連杰同國家武術研究院高層一齊開記招，宣佈籌建太極學院，透過雙方力量推動太極文化到全球。