高海寧噚日去咗鑽石山出席大胃王比賽，身為親善大使嘅高Ling着住件低胸衫上台示範整雲吞，當然益晒台下班龍友粉絲啦，連一班世界級嘅大胃王都爭住同佢影合照。問到高Ling係咪有錢收着得性感啲？佢話：「冇，冇厚此薄彼。」對於陳嘉桓保馬德鐘，狂插陳浩民，高Ling就話唔識陳浩民，但都覺馬德鐘係好人，佢仲話：「試過去聚會同人握手俾人撩掌心，我即刻甩開對方隻手，呢啲時候唔使理人感受。」