大美人關之琳與台灣富商男友陳泰銘拍拖後，生活優哉游哉。之之前晚在澳門透露近日迷上學整甜品及繪畫等興趣，更成功炮製cupcake等小糕點。之之要求高，學藝未精，其男友尚未有機會試她手勢，問到感情狀況及何時再婚時，她表示是私人事，會低調處理。
大美人關之琳、何超雲舊愛王大業、陳君宜、黃佩霞和陳霽平等前晚到澳門，出席DFS舉辦的鐘錶活動。之之身穿黑色3.1PhillipLim連身裙，問她近況時，她說：「之前7至10月趁天氣好，約朋友去旅行，生活優游，平時都學吓pastry同畫畫，以前太早拍戲，唔識入廚，想整吓甜品，又可以食，自己又鍾意食，為咗食嘢有動力做運動，又可以同人分享。」
想到外國深造
之之表示已學識整cupcake和crunchcake等糕點，她說：「有計劃去外國學吓整餅，目標係整生日蛋糕，多啲創意好玩啲。」問到會否開餅店，之之說：「唔知，冇咁簡單，做生意有壓力，唔想做有壓力嘅嘢，自己做生意失敗過，有風險，唔想做啲有風險嘅嘢，要唞吓，女人要優閒啲，做幕前日日開工，驚精神緊張，狀態唔好。」
唔敢畀男友食
記者問之之身邊友人有否試過其糕點，她說：「好多朋友都試過，通常菲傭係第一個試。我自己唔係太叻，都未滿意，未見得人。」問到台灣富商男友陳泰銘有否試過，她笑說：「冇，咁差，唔會囉。」對於感情狀況，之之避忌地說：「唔講呢啲，太私人，想低調處理。」有否計劃再婚，她即說：「唔講呢啲。」
採訪：顏英儀
攝影：林德雄