李克勤和鄭欣宜等前晚到粉嶺出席活動，雖然無綫和五大唱片破冰，但當晚無綫沒有派員訪問「無綫契仔」克勤，雖然如此，克勤表示雙方行了重要一步，並坦言很想重返無綫。
李克勤、黃貫中（Paul）和官恩娜（Ella）等前晚到粉嶺出席新城「禁毒滅罪耀北區2011」。無綫雖然和五大唱片就版稅問題破冰，但繼日前無綫採訪隊未有訪問環球的陳奕迅和莫文蔚，當晚TVB8也沒訪問「無綫契仔」克勤，提到無綫高層樂易玲表示一切仍以合約歌手為先，克勤表示認同，他說：「好正常，有飯盒梗係畀自己人先，不過雙方行咗重要第一步，希望其他嘢快啲解決，我都想去無綫，不過合約一切由公司安排。」
欣宜捱鬧感同身受
近日G.E.M.入行前的網誌被網友瘋傳，當中被發現她在網誌狂爆粗口，又狂踩胡杏兒、吳卓羲和鄧麗欣，欣宜替G.E.M.講好說話：「細路仔唔識世界啫。」她坦承小時也有寫網誌，會否在網誌踩其他人？欣宜說：「梗係唔會，我都俾人鬧得多，俾人憎得多，當時會諗點解冇人明白自己，所以自己都唔會咁做。」
問欣宜會否擔心被人踢爆舊網誌？她笑說：「唔擔心，都冇秘密。」她透露父親鄭少秋會現身她月尾的音樂會捧場。同場的鍾舒漫也撐G.E.M.說：「有邊個細個唔講粗口，話唔講就講大話，家冇咪得。」
另外，官恩娜曾和馬德鐘合作拍無綫劇《酒店風雲》，提到馬德鐘涉嫌向陳嘉桓抽水，她說：「當日合作都冇乜嘢，可能我冇乜吸引力，對方冇乜留意自己。」
採訪：馬建華
攝影：陳志嵐