對於有駕駛學校以廉價招客，九龍汽車駕駛教師公會主席羅啟新提醒，駕駛學校用低價吸引學員難有質素保證，「駕駛學校同學車公司通常五五分賬，如果學一堂只係百零蚊，每個鐘分番畀師傅嘅只係得幾十蚊，佢哋都未必有心教啦」，他建議學車人士應選擇有口碑的師傅學車，「最好有跟過師傅學車嘅朋友介紹，但千祈唔好貪平！」
羅表示駕駛學校以廉價「人入局」，「學生上十幾堂只係學到基本嘢，邊有把握考路試！但係學員報讀後好少會轉其他駕駛學校，其後都要加鐘，有機會得不償失」，他表示駕校多覷覦「學神」考路試前的租車費，「租車費要800蚊再加一堂課，加埋差唔多成千蚊，但考車只係用大約半個鐘，走幾轉不知幾好賺！所以好多駕駛學校都用廉價搶客。」《蘋果》記者