平時煮意粉，一定要先煮滾水，再放意大利粉，用沸水煮才會快熟及不會黐在一起，但一定要不停攪拌，要不然意大利粉會很易黐煲底，洗也洗死你。如果不想起勢攪無時停，其實也有辦法，就是加入牛油或橄欖油，一開始只要攪拌幾下就可以由得它自己煮，有油份令其不黐底，完全不用睇火也可以。煮意粉要下鹽，除了令意粉入味外，鹽份亦可以令水的沸點更高，意粉會更易熟和不易腍。而意粉熟後通常會回鑊連醬汁同煮，所以烚意粉時間要比包裝指示少1至2分鐘，剪開麪條見到有小白點便可。緊記以上幾點，煮意粉唔黐底話咁易！
記者：徐務研
攝影：伍慶泉
Model：Alia、Kazef@PureModels
