【本報訊】「80後無缺失，請投我？一票！」自稱80後「3儍」在香港首屆「創業週末」（StartupWeekend）中擊敗逾48名對手，代表本港與全球60隊冠軍人馬競逐進軍矽谷機會，只在網上公開投票中勝出就能圓走向國際夢，他們希望香港巿民助一臂之力。
記者：譚志輝 劉漢權 麥超億
現年29歲的「火星人」陳龍生滿腹生意大計：「喺香港，只要你有諗法，身邊就好多聲音話你嗰樣唔得呢度唔WORK，當正你係火星人，打沉你，唔通諗吓都唔得？」浸大電腦系畢業，打了幾年工，龍生還是走上創業之路，開網上商店。但火星想法卻苦無發力點。
「你估我唔想做李嘉誠？但一個人力量有限，偏偏又找不到同路人，政府口口聲聲話鼓勵年輕人創業，但事實上完全無支援。」直到全球創業比賽創業週末本月18至20日在香港首辦，終於給他遇上另外「2儍」，一起將意念化為事實。
逾48名互不相識的參賽者，要先組隊，在54小時內用自己的方式向評審展示生意大計。在組隊階段，龍生就遇滑鐵盧：「我要向其他參賽者們推銷意念，爭取他們加入，但我毫說服力，好多『高手』都已埋班，估唔到仲有『儍仔』睇中我。」他的意念是做一個追蹤包裹運送應用程序，讓網上購物變得更簡單。27歲的陳澤威和21歲曾慧俊並非蠢，他們看中龍生意念簡單但實用，「佢present雖然唔得，但個諗法係最可行」。
「呢個就係香港精神」
結果三人成團，是眾多組合中人數最少，他們雖自嘲是「3儍」，終在剩下的40多個小時完成作品——AwesomeShip，在客戶訂貨後24小時監控包裹運送實況，再透過sms、facebook、twitter或電郵通知客戶，最終令他們擊敗另外七隊，奪得香港區冠軍。他們與全球另外60隊冠軍比賽，各隊意念均會放上網，供全球投票，勝出者明年3月可到美國三藩市向矽谷投資者推廣，爭取注資。「20號比賽完，23號凌晨就話開始投票，我得個power-point，都唔知點算。」龍生苦無對策，猶幸「手下敗將」均不計前嫌，自動請纓，48人化整為零變成一個大隊，不足兩天，以短片、市場推廣、網站等替他們拉票。「嗰一刻我真係好感動，因為大家都係想香港個名走向國際，知道香港既年輕人係得既。呢個就係香港精神！」
經過五日來的努力，他們的預測得票已排行第五，但和首位還差4000餘票。投票至29日下午3時結束，12月1日即知鹿死誰手。「我想希望大家可以上網睇一睇，click一click。呢一票唔係投畀我哋既，仲係為80後、為香港人而投。」
作品及投票網址： http://bit.ly/VoteAwesomeShip