諸葛紫岐和羽翹等昨日在ifc出席生活產品發佈活動，諸葛透露未婚夫薛嘉麟最擔心脫髮：「其實個個人都有，可能工作壓力大，不過佢地中海我都接受，少少甩頭髮好正常，家佢好多頭髮呀。」她表示明年3、4月將舉行婚禮，希望1月能夠影結婚相，她又肉麻地說：「其實喺邊度影都好，總之係佢同我就得啦。」
對於陳嘉桓疑被陳浩民抽水，諸葛紫岐指女仔任何時候都要保護自己：「如果係我個女，我都會覺得有冇搞錯，雖然我個樣斯文，但我喺現場都會反枱。」羽翹自爆初入行曾遭狼吻，因此明白陳嘉桓感受，羽翹說：「佢係老闆嘅客飲醉咗，擒住我喺梳化，不過我郁唔到幾秒啫，冇100幅連環圖影到。」
採訪、攝影：盧妹