噚日長實（001）為旗下樓盤盛世再造勢，點知喺預告取消二按，疑似出口術！呢招唔吸引，但售樓處就有更吸引華華嘅嘢。話說噚日有位貌似新一代宅男女神Jeana（何佩瑜）嘅靚女喺售樓處睇樓。聽在場嘅代理講，靚女先喺大圍名城現樓出現，之後再到名城2期盛世喺紅磡都會商場嘅售樓處。
宅男經紀流口水
雖然大家都唔肯定佢係唔係Jeana，但已經令在場唔少宅男經紀流晒口水，忍唔住舉機影相留念。華華梗唔會靠估，所以即刻求證，經理人話，Jeana噚日約咗周刊影嘢，唔清楚佢有冇去睇樓。
至於嗰位疑似Jeana靚女，喺售樓處兜咗個圈，逗留冇耐就閃，唔知係嫌貴，定睇唔啱冇買。