荷李活影星奇洛李維斯明年會喺北京開拍自導自演嘅《太極俠》，之後會嚟香港拍外景，奇洛仲搵咗安樂電影老闆江志強協助。前晚安樂有新戲院喺北京開幕，江老闆請咗奇洛同黃曉明做嘉賓，之後一齊食飯。噚日曉明喺微博放咗佢同奇洛嘅合照，佢話：「與奇洛喝酒聊天，很舒服。下次帶點山東大包子，配紅酒，讓你見識一下。」