【本報訊】勞碌半生，65歲的退休裁縫徐伯以為在內地找到一個可伴終老的伴侶，怎料一段中港婚姻如同「引狼入室」，內地妻子來港後即變臉鬧離婚，將他辛苦半生賺錢買下的兩層樓分去，再涉嫌偽造律師樓文件，圖搶走其兩間鄉下祖屋，警方調查後愛莫能助。徐伯回首往事，搖頭嘆息說：「捱咗一世，結果財產俾佢攞咗一大截……呢個女人可算係天下間最狼毒嘅。」
記者:陳達浩 黃偉民
徐伯69年結婚，育有四名子女，至96年離婚後與家人再無來往。97年，年過半百的徐伯回江蘇鄉下認識比他小18年的阿華，失婚的阿華原籍湖北，當時已有一名10歲女兒：「初初識佢時覺得佢好斯文，無不良嗜好又唔賭錢，儀表乾淨企理。」兩人交往一年後結婚，99年更誕下兒子杰仔：「諗住搵個伴過埋下半世，當時唔覺得佢係為錢同我結婚。」
徐伯形容阿華來港前千依百順，至03年，她帶着兒子持單程證來港團聚後即性情大變，「冷言冷語，一開聲就係要錢要家用；一日到黑唔返屋企，返到家就借意鬧交。」妻子其後自行搬出旺角住所，至08年尾正式離婚。
「呢個女人好犀利、工於心計！離婚初時只係話要一蚊贍養費，但幾個月後就向法庭申請分身家，若唔順佢意就會打官司打到我一蚊都無，仲話『啲錢都係留畀你個仔㗎啦』。」徐伯無奈啞忍，答應把亞皆老街和大角嘴兩個自置單位轉名給她，換取對方承諾好好對待兒子，供書教學。
雙方又口頭協議，若大角嘴的單位被收購重建，賣得的錢阿華可留40萬元，其餘交回徐伯，但最後對方反口：「我收唔到錢，佢又唔畀我見個仔，『人財兩空』。」
小學外眺望兒 解思念苦
去年中徐伯收到一份來自香港「黃玉珊律師行」的離婚協議書，上面有他簽名，更寫有他同意把江蘇兩間祖屋的地段轉讓給阿華，「我無簽過，好明顯全部都係假嘅！」他表示幸好在家鄉的姐夫發現祖屋附近有異動，才揭發阿華在內地申請將兩祖屋轉到其名下，他得悉後馬上回鄉，花了十多萬打官司，暫保祖業。「佢真係狼毒到不得了，竟然連我嘅祖產都想呃走！」
徐伯去年6月回港報警，指懷疑妻子圖騙去其家鄉祖屋，警方油尖刑事調查隊經調查後回函指發現「黃玉珊律師行」無論地址、電話等均不存在，但因為案件在香港境外發生，只能轉交內地公安跟進。
現在仍把兩人連繫着的就只有12歲的杰仔。徐伯坦言初期還可以去探兒子，父子關係很好；但現時阿華不讓徐伯探望兒子，他只能到兒子就讀小學外、遠隔馬路看看兒子以解思念苦。徐伯粗略估計兩個轉到阿華名下單位至少值300萬元。他只剩下尖沙嘴金馬倫道一個單位收租，自己則住油麻地劏房，他最記掛的只有兒子：「呢間屋打算留畀佢（杰仔），等佢大個咗就會畀佢，反正錢都帶唔到落去。」
