【Interview專訪】本港零售市場得天獨厚，既有不弱的本土消費，又有源源不絕的「北水」支撐。美國最大服飾零售商GAP卻姍姍來遲，上周五在本港首家零售店才正式開幕。集團大中華區總裁楊得銘不認為GAP「遲到了」，目標下年度把中國分店數目「翻三番」至45間：「我覺得中國係唯一一個市場、各品牌勢力都好均等，我哋一啲都唔輸蝕。」
記者：吳綺慧
記者上周五早上趕赴GAP位於中環皇后戲院舊址的旗艦店做訪問，開業僅1個多小時，仍未到午飯人潮高峯時間，樓高4層、店面逾1.5萬呎的旗艦店內，已擠滿正購物的人群。「已經有6位數字了！」分店員工走過見到楊得銘，忍不住向老闆滙報最新「戰況」。
內地開業不久已賺錢
市傳這個中環旺舖，盛惠月租500萬元。楊得銘接受訪問時不評論這傳聞，只表示這地方雖多人爭，但有信心最終有合理回報。「我哋之前完全無宣傳過今日會開業，係噚日（即上周四）先戙個牌出來，但已經有咁多人；證明GAP雖然之前未登陸，但品牌喺內地、香港已經累積咗一定嘅equity（資本）。」
全球4個每年銷售額逾100億美元的服飾品牌中，Zara、H&M和Uniqlo均在2004至07年間全數登陸本港，只有GAP於去年11月才開始進軍內地，一口氣在北京及上海開了8間分店後，現時才在香港開第9間。
楊得銘不覺得自己落後於人：「佢哋（3大品牌）都係近一、兩年先發力，好似Zara入咗大陸4年都無咩發展，係近年先大肆擴充。GAP去到明年1月底，中國會開到15間，再下一年就去到45間，速度係好快。」
楊得銘形容，現時內地業務是出乎意料般理想，每間分店獨立計，開業不久都已經賺錢。「當然你計埋辦公室等部份，整個中國業務係唔可能第一年就有回報，始終我哋係睇長遠，家嘅投資，係為咗將來擴充去更大規模。」
強調質量非只一季壽命
國際品牌大舉登陸，尤其是近年火熱的快速時裝（fastfashion），不少「本地薑」都已經被迫得且戰且退。GAP的勁敵Zara，由開始設計到貨品上架，市傳最快只需12日，務求令消費者隨時有新鮮感。
對此經營模式，楊得銘不以為然：「佢哋有自己嘅挑戰，我哋嘅產品強調質量，唔係着一季就算。好似呢種牛仔褲，着十幾年都無問題。」他強調，GAP的產品款式由嬰兒到老人家都有，價格100至200多元已有交易：「同其他牌子唔同，你拎1000蚊入嚟，已經可以帶好多嘢走。」
至於近期大熱的國際品牌來港上市話題，他坦言不能代表總公司發聲，但透露GAP現時手頭現金非常充裕，發展中國綽綽有餘：「相信都無呢方面嘅需要。」
