利物浦對強隊戰績特勁，上周又剛殺退車路士；今次主場出戰曼城，集天時地利，而對手則剛在周中歐聯硬拼一場，還要落敗，陷出局邊緣，士氣受損下又要繼續舟車勞頓作客，再加上雙方對賽往績利物浦佔盡上風，難怪曼城換來好賠率。
一向認為文仙尼功力有限，加上曼城長期偏熱，今季已極少博曼城，但今次有其價值博率。數據支持利記，不過打波一場還一場，何況曼城今季進步頗大，歐聯心理壓力大才失準；上周利記奇招贏車仔，一來車仔近態極差，二來怪陣得手後，隨時走火入魔，倒不如趁曼城偏冷，直接博一注客W。
史雲斯今季主場極勁，相反維拉聯賽作客未曾一勝，如果以賽績計，主W有偏冷之嫌，不妨信莊家眼光，扒逆水買維拉下盤。史雲斯不外乎又是打一道銳氣，雖然主場不敵曼聯無傷大雅，不過長路總有盡時，斷纜風險漸高，而維拉是中型班中頗硬淨一隊，相信可至少保住不敗。
利雲特上周果然再輸，可惜臨尾追回1球，篤爆馬體會[-1]W。今番回師一向有威力的主場，主W1.85倍算是合理。這類神奇球隊銳氣一洩之後，就要掉轉槍頭買對家，難得利雲特的主場依然令人生畏，令客軍賠率不算差；而希杭本身狀態又正在冒升，兩隊成為極大對比，希杭[+1]W是有頗大吸引力。
文：黃國英
混合過關
星期日21 阿士東維拉（下）x
星期日29 希杭勝[+1]（1.82）x
星期日31 曼城勝（2.35）3x1