之前唔想國家打吡戰改早場開波嘅巴塞隆拿，並唔係放棄亞洲，特別係中國嘅市場，會長羅素（前右）日前就特登飛到北京作親善訪問。前晚佢出席中國殘疾人福利基金會晚宴，就捐出唔少巴塞珍品作拍賣，其中一件係有齊全隊簽名嘅1號球衣，以21萬歐元（約210萬港元）賣出。但噚日羅素去到北京大學演講，就遇到幾名阿仙奴球迷展示標語抗議，怪佢偷走法比加斯咁話喎。