高鈞賢和葉翠翠昨日在銅鑼灣出席珠寶店活動，除擔任大會司儀外，二人更即場演出短劇，介紹珠寶店首創的一站式婚嫁服務。
向翠翠求婚
高鈞賢拿着鑽戒向翠翠求婚，被取笑預演求婚，他笑說：「唔係，其實我綵排時已經面紅，平時拍拖好少送花，將來真係求婚一定更驚。」
高鈞賢坦言情侶檔酬勞更好，問到會否與翠翠發展成真情侶？他說：「我哋真係幾合拍，剛出場時佢有啲忘記對白，但一個眼神已經知乜事，可以幫佢執生，但現階段想專心工作，拍拖唔諗住。」
有傳高鈞賢一腳踏兩船，暗交日本女藝人Haruka（木南晴夏），他說：「我哋係拍咗好短時間，但佢只識簡單英文，加上佢喺日本，大家好難維繫。」
採訪、攝影：胡比