由《十月圍城》到《建黨偉業》，一齣齣革命電影，先後帶出多位幾被遺忘的歷史人物，惟辛亥百年，遺珠者眾。著名美食家何寶德的外公趙超，是孫中山貼身侍從及參謀，卻因性格低調而鮮為人識。早前何寶德從家人遺物中，尋獲多幀從未曝光的珍貴國父相片，包括與她外公的合照，何決心公開這些資料，還外公應有的歷史印記。
記者：葉競科、陳兆剛
何寶德曾任著名醬汁品牌亨氏（Heinz）香港業務行政總監，亦是知名美食及品酒家，卻只有極少人知道她外公趙超原為革命分子。「以前香港係殖民地，媽咪覺得外公身份特殊，唔畀我哋仔女講㗎！後來舅父入咗警隊政治部，就更加敏感。特別係我經常返內地工作，媽咪都叮囑我唔准用革命後人嘅身份攞方便。」
教誨子孫愛說「國父話」
隨着長輩相繼去世，禁忌到近年才得以打破。何寶德近年籌備寫傳記講述游走中西文化的感受，摯友提議她藉辛亥革命百周年的契機，搜尋外公遺下的相片、手稿等資料，既可作自傳素材，亦可讓外界認識趙超伴隨國父策動革命的角色。
何幾經艱難，從廣東鄉親及家人遺物中搜出一批珍貴歷史相片，當中幾張據說是從未曝光的國父相片，其中一張主角正是國父孫中山，而趙超則一身戎裝，侍奉在旁。
「外公係1889年喺台山出世，計落到1911年辛亥革命成功時，佢都只係22歲，或者有人質疑佢喺革命嘅重要性。但據媽咪講，當年孫中山因應時勢而合作嘅革命分子中，不乏奸雄之輩，國父必定要建立自己可信嘅班底，於是就喺軍校揀咗外公做近身侍從。」何寶德說，外公追隨國父早期，大部份時間都是游走於南洋諸國，一來逃避清朝追殺，二來向華僑籌募革命經費，因此就連她的母親也是在南洋出生。直至武昌起義成功，才跟隨孫中山回國。
另一張國父相片，估計是會議前後留影，相中滿載歷史名人。孫中山站在最中間位置，站在身旁還包括蔣介石、胡漢民等。至於最後一張，可見孫中山穿着整齊洋服出席婚宴，宴會有參加者達數百人，既有唐裝華人，亦有外籍人士。
「外公形容孫中山先生係外形西化，影響所及，連我外公都鍾意着洋服、揸汽車，喺當時舊社會算係好前衞！外公每次教誨我哋，開首總係有句『國父話』，證明孫中山對佢影響真係好深，兩人既係主僕，亦係朋友。」
晚年信佛望清減殺孽
翻查資料，趙超於孫中山晚年曾出任其新聞官，代表國父接受記者訪問，而直至孫離世一刻，他亦侍奉床邊。趙其後官至廣東省行政專員，地位儼如省長。1949年，經歷抗日戰爭及國共內戰的趙超，毅然舉家乘船移居香港。「國民黨戰敗後，外公本來可移居台灣，但當時佢對黨內貪腐深痛惡絕，情願放棄權位。事實上，外公戎馬一生，見盡殺戮，佢難免要手刃敵人，反過來又曾目擊日軍腰斬同胞嘅殘酷，所以佢來港後誠心禮佛，希望清減殺孽。」