汪詩詩、Bossini太子女羅可旋等前晚出席尖沙嘴名店活動，有報道指甄子丹夫婦只顧玩樂，懶理母親病患，更指甄父要賣樓籌醫療費，作為媳婦的汪詩詩說：「奶奶係唔舒服，係壓住神經線啲問題，佢功夫好犀利，可能7月表演時傷到舊患，子丹好緊張搵中醫。老爺有好多物業買賣，經濟冇問題，我哋一定會幫手。」此外，已是一女兩子之母的羅可旋再度有喜，明年4月預產，已知再度懷男胎。