1944年，侵華日軍攻佔廣東，時任省行政專員的趙超成為追殺對象，惟有率領家人四處流竄，孫女被迫在藏身的義莊出生，正是今日的何寶德。1949年，5歲的何寶德隨家人移居香港，由於父母常外出做生意，負責照顧她的，就是剛解甲歸隱的外公。
外公軍訓式教育
「我記得年幼時除咗家中女性外，所有成年男人都係穿軍靴。外公照顧我哋，亦用軍訓式教育，生活講紀律。」出身傳統家庭的何寶德，骨子裏性格前衞，少女時曾當雜誌封面女郎。畢業於銅鑼灣名校聖保祿的她，其後長時間於外國升學及工作，其後成為商界女強人，曾協助HEINZ打入香港及內地市場。
「我事業上嘅成功亦要歸功外公。我細細個佢已經同我分享做領袖之道，就係要勇於下決定。只要覺得啱時機，就要果敢去做，唔好因為猶豫而錯失時機；若果到最後都係失敗，就要馬上承擔，呢個係我喺商界打滾嘅風格。」
近年已是半退休的何寶德，早前因為與藝人原子鏸合辦歌舞劇的錢債糾紛而鬧上法庭。雖然涉及款項僅5萬元，惟何仍決定入稟追討，「外公成日都話，做人最緊要黑白分明、恪守原則，所以就算錢銀數目唔多，我都唔敢有違祖訓」。
《蘋果》記者