廖碧兒夥拍組合Rubberband昨日現身美孚，出席保齡球慈善賽，廖碧兒坦言球技一般：「自己唔叻，之前為呢個活動學咗兩堂，同埋媽咪一齊練習，因為自己打開高球，所以打保齡甫士好似打golf咁，我仲特登打電話搵鄭則士請教。」
帶飯煲自己煮
廖碧兒透露將會返內地拍劇，他說：「之前媽咪喺加拿大返嚟諗住陪我過聖誕，因為我要返大陸拍劇，所以佢返去加拿大陪婆婆，劇集應該拍到一月，都有啲擔心，因為冬天拍夏天戲份。」問到她於內地拍劇會否外出消夜，她說：「唔會，我要熟讀劇本，因為又要繙譯成拼音，再用普通話講，所以自己唔會出外食嘢，加上我易腸胃炎，會帶晒飯煲同食物自己煮。」
採訪、攝影：顏英儀