北京發展（154）有個實力雄厚嘅股東，對佢日後獲業務壯大或變身，有想像空間，煲得過。北發主要股東係北控（392），控股企業實力，勁掂。而啱先喺今年9月，北發就公佈向控股股東北控發股及發CB，集足銀彈，喺適當時機，開拓新業務。雖則集資仲要等好似EGM表決兼落實，但呢壇製作睇，北發靜極思動，聞到有味。再講，北發手頭揸住淨現金6億銀，財政乾乾淨淨，而喺集團出售埋「一卡通」之後，再無重要業務，對北發嚟講，本身亦有業務壯大嘅需要。而北發上邊計劃中嘅配股及CB換股價1.13元，相對現價（1.25元）折讓一成唔夠。趁集團仲喺貼近海嘯價，擺中線博變身，隨時係翻一番嘅冷門選擇。
保華大低水可短炒
保華建業（577）就算計埋佢潛在多重分派後嘅NAV，都有0.45元。而股價經上星期狂質，現價（0.36元）折讓都有20%。又集團計劃大配股進軍電影業，雖則呢壇配股製作，因應市道或其他因素，未必一定可以進行到，但配股價講緊0.65元，現價大低水，又要諗諗佢。短打博佢上番NAV0.45元，升幅25%。
錢雋