陳浩民昨日拖身懷六甲的太太開記者會，聲淚俱下道歉，圈中人對此議論紛紛。
詹瑞文：男人做咗一件事應該自己處理，叫埋太太同BB出嚟似乎冇太大必要。佢突然爆喊，應該係真性情，事前冇乜準備。
王晶在微博留言：陳浩民的經紀人林查理不愧老江湖，示範了一場相當好的危機公關。歐美政治人物牽上性醜聞一般都這樣做，只要陳先生真心改過不再犯，相信大家都不會再說甚麼了。這故事教訓我們，死頂未必有着數。
謝天華：佢要拎勇氣開記招，始終呢件事俾人印象好負面。男人係保護女人，唔係欺負女人。
楊秀惠：換轉係我一定接受唔到另一半不忠，女嘅都應該推開同嗌唔得，十歲細路女都識咁講。
陳敏之：我同浩民食過幾次飯，但好耐冇見，反而同馬德鐘熟啲，希望佢同太太冷靜落嚟睇吓有冇得挽救（婚姻）。