有「E奶紅姑」之稱的模鄧伊玲（阿旦），最近憑暴乳貂蟬look任網絡遊戲代言人，並有機會衝出香港到內地及台灣宣傳；雖然事業得意，不過感情生活就危危乎，阿旦更暗示與男友早已零交流！
向來毫不吝惜身材的「E奶紅姑」鄧伊玲近日為網絡遊戲《闇三國online》擔任港、台代言人，其噴血貂蟬打扮，性感指數直逼周秀娜早前的女媧造型，阿旦說：「第一次做網絡遊戲代言人，除咗扮貂蟬之外，仲會反串扮呂布，估唔到出嚟嘅效果幾英！希望可以吸納多批女fans！」
與男友交流減少
阿旦與娜姐同為網絡遊戲任代言人，可擔心被比較？阿旦說：「唔怕，周秀娜出咗名，可以同佢比較係開心事。同埋好多謝呢個遊戲嘅老闆，令我有機會去杭州等地宣傳，多咗內地嘅朋友認識，遲啲仲可能去台灣宣傳。」
事業上一帆風順，有望衝出香港，但阿旦的感情生活就不太美好，她與拍拖多年的無綫收費台主持阿感最近戀情亮紅燈，阿旦說：「佢唔會知我接咗啲乜嘢工作，自己亦唔會同佢講，家有乜問題都係同經理人或者好姊妹DaDa（陳靜）講。」
「放自己做中心」
記者問阿旦男友可會介意她行性感？阿旦表示：「以前會好緊張佢點諗，只要男友唔鍾意，會即刻推咗個job，但家會放番自己做中心，況且佢話想以事業為重，所以我都想喺事業上衝刺。」
採訪：譚倩宜
攝影：陳慧安
場地：陽光網絡
