現年37歲的森美出道以來都以搞笑形象示人，早前接拍福音電影也搞笑一番。不過，他表示電影故事是他的寫照，他人生第一個低潮，是畢業初以為自己30歲會死於非命，令他不時偷偷倒數自己的「死期」來臨。
森美早前接拍福音電影《翻生奇兵》，鼓勵觀眾，也不忘在戲中搞笑。令人輕鬆的電影背後，是曾令他惶恐的故事。早前，森美接受本報記者訪問，大談這個經歷，他表示這戲角色的經歷，巧合地是他的寫照。
好痛苦迷失
森美說：「拎起劇本就覺得咁啱嘅？內容係講有人睇相後，被批命會死於非命。20幾歲剛出來工作，陪朋友睇相，自己抱住即管去睇嘅心態，點知相士批我28歲結婚，29歲夫妻分離，仲會死於非命。話有病都仲可以醫，但話我衰命就乜都冇得做。」聽到那一刻他晴天霹靂，令他擔心不已。
森美稱一直怕得躲起來哭，他說：「唔好睇我好硬淨，有乜都嘻哈大笑，當時真係好痛苦迷失，又唔敢同屋企人、朋友講，知自己就快冇命，好驚，經常匿喺房喊，以為會死定，後來我跟朋友返教會，心情先好咗。」他謂自己是一個活生生例子，慶幸有信仰改變自己。
向達哥偷師
森美在戲內有機會與兩位搞笑能手前輩盧大衞（David）和劉以達合作，他希望從中學習，他說：「戲入面盧David做上帝，佢做得好從容，真係好風趣幽默。至於達哥做羅馬士兵，佢淨係着套盔甲出嚟，個個都覺得個外形已經好笑。」
採訪：王連連 攝影：林德雄
