黎瑞恩為咗搞高爾夫球會前幾日舉行嘅活動，忙到食飯時間都冇，活動後黎瑞恩即刻冧廠，發104度高燒，仲暈低咗，屋企人即刻送佢入院，佢留院吊鹽水醫咗三日，前日已經返咗屋企休息。黎瑞恩喺微博多謝大家關心，佢噚日喺電話氣若游絲同馮仁昭講，活動嗰日有陣邪風吹埋嚟，之後覺得好凍同好暈，醫生話如果遲啲入院就會變肺炎，今次算好彩。