陳敏之、陳展鵬同陳智燊噚日喺尖沙嘴一間珠寶店為台慶頒獎禮試珠寶，敏之嗰套首飾價值1,100萬，敏之話頒獎禮嗰晚所着嘅戰衣仲造緊，問佢係咪騷長腿？佢自己都笑住講：「係呀，我得條腿可以騷！」喺新劇同敏之合作嘅呂慧儀爆婚訊，敏之講笑話有鬧慧儀做乜咁口密。至於幾時輪到佢？敏之就話：「工作為先啦，有計劃會話大家知。」