車路士班主阿巴莫域治最近打算買下一間名為Battersea嘅發電廠，作為將來新主場嘅選址，不過搬主場一事可能觸怒唔少球迷，亦係至今未落實嘅原因。另外，車仔接連輸波之後，領隊波亞斯已經聞到「魷魚香」，更有指唔少球員都覺得波帥實在太後生，好難得到球員尊重。而剛於歐聯為利華反勝車仔嘅波歷克亦不忘抽水，話車仔已經冇咗早年嘅強大力量。