電影《大藍湖》由唐寧和周俊偉主演，二人首次合作，難得甚有默契。拍戲時唐寧剛懷孕，周俊偉一點也察覺不到，事後他才知驚，因原本有一場騎電單車戲，周俊偉笑說：「好彩冇發生乜嘢事，唔係都唔知點算。」
唐寧去年奉子成婚，懷孕初期正與周俊偉拍攝電影《大藍湖》。唐寧表示當時只有導演知道她懷孕，未有向拍檔周俊偉透露，陀住BB拍戲是否特別辛苦？唐寧說：「咁又冇喎，反而因為嗰時係夏天，覺得特別熱囉，導演都好照顧我。」
被蒙在鼓裏的周俊偉不禁有微言：「我到BB出世先知咋，本來有場戲話我要騎電單車載佢，但試車時架車俾我炒爛咗，所以冇拍到呢場戲，好彩冇發生乜嘢事，唔係都唔知點算。」
「細個睇佢啲戲」
周俊偉和唐寧雖然是首次合作，但非常有默契，很快已經入戲，就算拍激咀戲份也沒半點尷尬，二人笑指當時場地太小，天氣又熱，只想盡快拍完，唐寧說：「我覺得周俊偉拍戲時好投入同好真實，所有嘢都好快，唔使點溝通，叫佢做乜，佢即時已經入到戲，唔需要試，都幾合拍。」
周俊偉則讚唐寧有豐富演出經驗，還笑說：「佢係童星嚟㗎嘛，好專業，我細細個已經睇佢啲戲。」
採訪：胡比
攝影：林德雄