大家有冇諗過喺加油站食炸雞、打邊爐？美國餐飲大哥百勝集團繼吞併火鍋連鎖店小肥羊（968）之後，又有新搞作，同全國有三萬幾座加油站嘅中石化集團合作，喺內地加油站、高速公路服務區開設百勝旗下嘅品牌餐廳，即係話小肥羊絕對有機會喺加油站現身！
中石化強化油站
中石化話，希望借助百勝嘅品牌、服務同網絡優勢，進一步完善加油站服務配套，提升品牌價值。集團目前已經喺上海、山東、福建等地開設7間肯德基、必勝客，希望5年內將餐廳數量增加到50家。
喺加油站打邊爐，就算可以電爐代替火鍋，但一陣石油味，有幾多車主有興趣呢呵！