陳嘉桓上周在橫店被陳浩民和馬德鐘抽水，她大前晚回港，前日召開記者會後到警署報案，她昨午由經理人Ronnie陪同下重返傷心地橫店，繼續拍攝王晶新片《笑功震武林》。
陳嘉桓昨午1時多由美孚寓所拖着行李篋出發往機場，淡妝下仍難掩倦容。有指她被有勢力人士施壓封嘴避談事件，她說：「呢個我唔回應，事件家報咗警，畀咗口供，由警方處理，警方同律師都叫我唔方便再講。」
「會更加提高警覺」
問到陳嘉桓的心情，她說：「心情仲未平復，今次我會更加提高警覺，會有戒心，除咗開工唔會離開酒店。」
若陳浩民和馬德鐘當面向她道歉可會接受？陳嘉桓語塞，其經理人Ronnie說：「唔接受，我會拉佢走。」陳嘉桓這次返回橫店可會報案？Ronnie說：「未知，要徵詢律師意見。」陳嘉桓說：「希望盡快返去電影度，唔想阻礙劇組進度。」Ronnie透露陳嘉桓拍完《笑》片會返港拍廣告。
這次抽水事件可會留下陰影？陳嘉桓點頭示意，再咬唇說：「自己仲未平復到。」陳嘉桓直認事發後曾看過馬德鐘和陳浩民在微博的留言，她說：「希望大家快啲畀空間我，我會盡快投入工作。」陳嘉桓否認接到馬德鐘和陳浩民的電話，她昨午2時多辦完登機手續便與經理人匆匆入閘。陳浩民今日偕大肚妻謝罪，昨晚身在內地的陳嘉桓透過經理人回應：「事件交咗畀警方處理，我哋唔再評論呢件事。」
採訪：文國駿
攝影：羅德光
