【本報訊】法律界所追求的，是一個真正有民主與法治的社會；但不是普選產生的特首，治下政府卻只着眼政策是否「數夠票」通過。資深大律師陳景生今屆再牽頭組成22人名單，殺入選舉委員會選舉，力迫特首候選人推動雙普選及維護法治。雖然參選團隊未有討論會否投白票，但陳景生表明反對，稱在無可選擇下寧「兩害取其輕」，選一個災害性較少的特首。 記者：許偉賢
陳景生在上屆選委會選舉，與業界人士組成16人團隊出戰法律界別，聯同有政黨背景的4人名單全取法律界20席。今屆法律界選委議席由20人增至30人，陳景生再接再厲廣邀志同道合者參選，組成一張有大律師、律師及學者在內的22人老、中、青名單，強勢殺入選委會。
轟曾蔭權崇尚「數夠票」
「我哋有共同理念，想揀一個最適合管治香港嘅人。」陳景生昨接受訪問時稱，「唔係話強權管治、唔係會派錢畀香港人，就係良好管治」。他認為真正有代表性的特首應由普選產生，「因為咁樣產生嘅特首，先至有市民支持，唔會話數夠票就推（政策）」，所以團隊表明以候選人是否支持2017年普選特首、廢除功能組別及維護法治幾大準則挑選下屆特首。
2007年競選特首的曾蔭權，或是崇尚「數夠票」的表表者。陳景生憶述，上屆當選後約見曾蔭權不果，諷指「點解佢要見你（法律界選委）吖？見耕田捉魚嗰啲仲好，有幾廿票噃，又唔嘥口水，佢哋又唔會駁嘴駁舌」。今屆情況有別，至少兩名建制派候選人同時入閘後自然一票不能少，向法律界選委拉票機會大增。團隊成員之一、法律學者張達明說：「我哋就最希望法律界可以有一把團結嘅聲音，同候選人講出法治嘅重要。」
不會綑綁式提名或投票
22人團隊不會綑綁式提名或投票，成員之一、律師許天福表明，「希望喺狼同豬之間，有個人係真正為香港」，力撐建制派以外候選人進場。雖然未有討論若無合適特首人選時會否投白票，陳景生率先表態反對，認為是「嘥咗」及辜負選民，強調若無最佳特首選擇，寧兩害取其輕，「如果某個候選人當選後，帶嚟嘅災害比另一個更大，喺無可選擇下，我可能會投一個未必十分滿意嘅候選人。」