香港會計師公會主辦嘅最佳企業管治資料披露大獎，大笨象滙豐（005）一直雄踞恒指成份股組別三甲位置，但喺環球金融危機底下，大笨象都逼唔到入三甲。
今年躋身三甲嘅分別係中電（002）、港交所（388）同港鐵（066），至於連續11年雄霸呢個獎項三甲位置嘅滙豐，今年無影無蹤。據負責呢次評審嘅籌委會主席羅卓堅話，今年評分制度有些少改動，將企業可持續發展同內部風險監控評分比重增加。除咗睇年報外，佢哋亦會關注評選嘅企業發生過啲乜嘢事故。
咁滙豐發生過乜嘢事，令到佢俾降級？羅卓堅話唔作個別評論。其實另一隻金融股渣打銀行（2888），喺非恒指成份股（大市值）組別連續8年位列三甲，今年亦首次被剔出局。呢場金融危機，對銀行股嚟講，真係幾傷！