容祖兒和張敬軒前晚為劉家昌演唱會任表演嘉賓，二人在後台重演陳嘉桓疑遭抽水的經過，祖兒說女孩子一定要學識保護自己，而軒仔亦力撐嘉桓平時滴酒不沾，望事件盡快解決。
劉家昌前晚在九龍灣展貿中心舉行「四洲集團滋味知己四十年演唱會」，劉家昌兒子劉子千、任賢齊、張敬軒、泳兒、洪卓立等一班後輩都有獻唱，容祖兒任壓軸嘉賓。
與劉家昌合唱《連心》的軒仔坦言感壓力：「同劉家昌老師公開合作係第一次，好驚，佢係嚴師，唔啱就鬧，綵排時佢已經叫我唱大聲啲。」
明星仔常被撩
軒仔在後台受訪時，記者問他在內地有否遇過與陳嘉桓同樣的遭遇，他說：「我姿色一般，未撞過呢啲事。其實內地會有人因為你係明星仔，撩吓你兼埋嚟敬兩杯，但唔會有強暴。」其間經過的祖兒聞言，先搭着軒仔膊頭，繼而向他上下其手、摸他面珠及按肩扮抽水，之後祖兒說：「你冇俾人撩？等我嚟！我同男人冇分別，等我嚟挑逗你。」軒仔自言好受落，但一定要與相熟的人才可以。
證嘉桓不好酒
軒仔說與陳嘉桓合作過拍《葉問前傳》：「覺得佢係個好sweet嘅細路女，成班人食飯佢都冇飲酒，我估食飯嘅出發點唔係呢啲（博懵），都係酒精累事。」
自嘲是男仔的祖兒則說：「我短髮，呢行都冇男仔當我係女仔，講鹹濕嘢都面不改容，尤其係軒仔，但身邊人唔會對我手多多。」祖兒指即使與男士相熟，亦要有底線，女仔要學識保護自己：「我同軒仔係唔係成日見面嘅好朋友，蹺手、摸面都只屬君子之交，絕對唔會狼吻同伸手入衫揸佢。其實佢咁瘦唔啱我，我鍾意大隻啲。」
採訪：卓寶花
攝影：陳順禎