陳嘉桓在內地疑被陳浩民、馬德鍾借醉抽水，涉及年輕女藝員被欺凌事件，成為娛圈熱話。劉嘉玲是巨星級女星，中港台三地人面廣，她昨日坦言自己詞鋒銳利，氣勢凌厲，沒人敢借醉向她毛手毛腳，嘉玲寄語後輩有事應自衞：「推開佢或者摑巴佢」，但希望事件只是誤會。
劉嘉玲昨日在中環國金軒接受好友馮美基訪問，由於節目在新年播出，嘉玲穿得一身大紅大綠，更配襯名貴翡翠首飾，她甜蜜笑着承認是老公梁朝偉所送，她笑言自己是「無飯煮婦」，只懂整沙律及拍青瓜等冷盤。
坐得咁埋要防備
問下月生日的嘉玲如何慶祝，她說：「之前喺北京做手錶活動，好辛苦，想唔搞，但朋友話一定要搞，我係一個靈魂，令到個個都好開心，所以都會慶祝。」她指偉仔在上海開工，請到假也會一齊過，但沒禮物想收，收到賀禮也會捐去做善事。
陳嘉桓在內地疑被陳浩民借醉狼吻兼上下其手，陳嘉桓報警求助，事件惹起各界對女藝員被欺凌的關注，嘉玲入行多年，問可有在應酬時遇過毛手毛腳的事？她說：「一定會撞到啲飲醉酒、失控嘅人，唔知對方有意定無意，但過程中，如果知道，應該防備或者推開，尤其坐得咁埋。」
嘉玲得悉事件被傳媒直擊後，她說：「我寧願相信係一個誤會，唔會咁飛擒大咬啩？唔鍾意可以推開佢或者摑巴佢，不過可能個女仔嚇儍咗。」問到如果是當事人，會如何反應？她二話不說：「我咁鬼惡，冇人敢咁對我。我喺飯枱上好識講嘢，氣勢凌厲。」
嘉玲坦言遇過無數醉酒人士，借酒意壯膽行事也有可能：「乜酒態我都見過，有呢啲嘢（借醉毛手毛腳）都唔出奇，第二日唔記得晒，如果佢唔係斷片，就真係醉咗，因為有時平時唔敢做，會借酒意大膽做出嚟。」
不過，嘉玲其實都曾被抽水，03年和05年她就曾經被怪雞眼鏡設計師AlainMikli彈bra帶及摸patpat。
偉仔魔術悟道理
此外，嘉玲老公梁朝偉主演的新片《大魔術師》將於明年初上映，戲中偉仔扮演魔術師，透過練習魔術，偉仔從中有所領悟，他說：「當魔術師喺台上嘅時候，佢係最清楚成套表演嘅人，知道每個魔術唔可畀人知嘅秘密，呢個就係『旁觀者迷，當局者清』。」
採訪、攝影：黃曉妍
