噚日大班記者喺機場等陳浩民返港，其間見到陳奕迅同素顏嘅莫文蔚出現。陳奕迅見咁多記者撲埋佢度影相就問記者等邊個，佢一聽見陳浩民個名就陰陰嘴笑話：「咁冇嘢我走嘞。」而甄子丹同太太仲有楊小娟亦喺四川返港，甄子丹經常喺內地拍戲，不過就冇留意到陳浩民事件，佢話據佢所知冇聽過亦冇發生過類似事件，今次件事真係聞所未聞喎。