娛樂圈男女嘅感情關係好複雜，關仁始終對選美出身、平日行為騎呢嘅「大乳牛」同「打女細佬」嗰單好有印象，佢兩個俾人偷拍到喺公眾地方纏綿，打女細佬差啲搞到婚變，結果戀情見光即死。之後大乳牛繼續北上搵富二代，佢早前自爆有新歡，仲談婚論嫁，不過關仁早排就見佢喺中環同兩個光頭麻甩佬嘆茶，大乳牛冧中佬真係有一手。至於打女細佬都唔弱，佢冇吸取教訓，依然愛偷食，成日瞞住老婆話返內地傾生意，實則約埋班志同道合嘅鹹濕佬返去偷食。聽聞打女細佬好爛滾，對啲北妹郁啲就鹹豬手。大乳牛同打女細佬都鍾意北上覓新歡，睇嚟佢哋真係物以類聚。
撰文：關仁