布力般流浪憑「蠱惑的波」射入第2球，喺上周六嘅英超聯賽作客3:3逼和韋根，事件都仲有手尾；呢場執法嘅40歲球證馬連尼（圖），唔知係唔係因為走漏眼，犯上嚴重錯誤，下一輪嘅英超就冇份執法。不過，布力般中場摩頓柏達臣，就堅持自己呢次助攻畀凱列特頂入，係完全合法，仲深信耶高保已經掂咗波，佢長驅直進傳中，一啲問題都冇。