台灣金鐘影后林依晨同中年男子鄭家堯拍拖，不過有周刊話佢哋已經分手，原因係男方年齡報細數，據網上嘅資料鄭家堯今年43歲，但佢同林依晨話自己36歲報細7年，質問男朋友嘅時候，佢解釋話係算命先生建議，當然林依晨就唔信要同佢分手，人喺外地嘅鄭家堯就透過親人表示一切都以女方說法為主。