雖然馬德鐘擬用法律來制止別人的言論，但王賢誌昨日在尖沙嘴出席無綫《歡樂滿東華》記者會時，力撐他公司旗下瘦身產品代言人陳嘉桓，他表示已跟陳嘉桓聯絡過，但她仍未交代事件詳情，王賢誌坦言不擔心影響其產品形象。
王賢誌又稱，本身與馬德鐘及陳浩民認識但不算太熟：「佢哋平時都有呢類新聞前科，都唔奇怪，我諗係飲大咗同玩大咗，佢哋有家室而且有番咁上下年紀，知道乜嘢做得乜嘢唔做得，但家只可以認錯。」
王賢誌認為娛樂圈向來都多鹹豬手事件，今次有圖為證，絕對屬刑事案：「佢唔衰都唔會主動道歉啦。」馬德鐘有意捐錢到東華做慈善，身為東華三院總理的王賢誌說：「我都有同東華嗰邊問過吓，佢哋唔會拒絕任何人嘅捐款，但我覺得如果係為贖罪或彌補過錯而唔係為幫人就好唔真心，希望唔好用呢樣嘢去轉移視線。」採訪、攝影：王崇穎