陳嘉桓在內地拍劇跟陳浩民和馬德鐘消夜，女方被兩男抽水鹹豬手，前晚莊思敏返無綫電視廣播城錄影節目《姊妹淘》，提到此事，她反而出言狂寸陳嘉桓：「又話學詠春，點解唔識嘅，如果唔願意去就走啦，遇到咁嘅情況，唔打佢都應該離座，不過我唔在場，都唔方便評論太多。」
「應該還手」
莊思敏續說：「但我一睇到呢篇報道，第一個反應係，係咁影影咁耐都得，不過睇相，我見個女仔同馬德鐘笑晒。」莊思敏表示認識陳嘉桓，她直言：「印象中佢唔似咁蠢，不過佢係偏靜，但係其實習武之人唔係要好講求反應嘅咩？有乜應該要還手啦。」是否質疑女方？莊思敏聲稱自己只是好奇。至於馬德鐘表示會捐錢，莊思敏取笑他說：「捐錢做法事？關捐錢乜嘢事呢。」
採訪、攝影：王崇穎