陳嘉桓在內地被陳浩民和馬德鐘醉酒抽水，引起圈中人議論紛紛。
徐子珊：女仔無時無刻都要保護自己，我有同馬德鐘合作過，佢為人好正直同好有禮貌，冇見過佢做呢啲行為。
容祖兒：如果係我一係就打開佢啦，我惡起上嚟會好惡，保護自己係好基本知識，今次見到件事好唔開心。
吳卓羲：佢哋飲大幾杯係有少少過份，需要公開道歉。我同兩個男嘅都有合作過，浩民飲完酒係比較大癲大肺玩得會好放，今次真係過份咗，借酒行兇係唔啱，但今次只係個別事件。
湯盈盈：我覺得要解釋番同saysorry，我唔了解乜叫好客之道，不過自己都要識反抗。
胡定欣：如果女仔覺得大家有醉意，而氣氛令自己唔舒服就應該離開，總之要好好保護自己。
甄詠珊：我覺得陳浩民需要齋戒。
胡杏兒：我識得保護自己，絕對唔會玩到咁癲。