內地女星湯唯憑住同韓國男星玄彬合演嘅《晚秋》，今年一口氣喺韓國捧走百想藝術大獎同韓國影評獎嘅影后寶座，昨日傍晚湯唯一身冬日打扮到達韓國仁川機場，準備出席聽晚嘅青龍獎頒獎禮，韓國傳媒仲大讚佢嘅冬裝配襯得好睇。湯唯係首名非韓國女星得到青龍獎影后提名同埋首名外國頒獎嘉賓，真係巴閉，佢仲對韓國傳媒話感到好光榮。