胡杏兒噚日着住條橙色裙化身三文魚小姐，喺銅鑼灣出席「挪威三文魚聖誕美饌小吃活動」，佢話下月中要返內地拍劇，希望提早同同事開派對慶祝聖誕，問佢點解唔親自下廚同黃宗澤慶祝？杏兒甜笑話：「到時應該唔使我煮，佢廚藝好叻，成日想幫手都埋唔到去，我建議公司可以開套《天才小廚神》畀佢演。」杏兒仲大方話最愛食黃宗澤煮嘅意大利飯。