梁詠琪與西班牙籍老公Sergio早前閃婚，現時享受二人世界生活，間中玩煮飯仔，暫未有生小孩計劃，但也不避忌。昨日梁詠琪出席活動，提到深得老爺奶奶愛錫，感動到想哭。
新婚的梁詠琪昨日到理工大學出席活動，她表示早前回西班牙、丈夫Sergio的故鄉探望老爺奶奶，丈夫家人對她很熱情，令她感動，訪問時她回想起來也講至眼濕濕，她說：「我都開始學西班牙話，平時用英語、身體語言溝通，所有親戚都好好，對我好熱情，又送禮物畀我、同埋媽媽細佬。我哋走時，老爺奶奶送我哋去馬德里機場，我仲忍唔住喊，我原本估老公會喊，但原來我比佢仲眼淺。」
一月度蜜月
婚後，梁詠琪仍繼續努力工作，聖誕節需回內地工作，更打算明年一月尾度蜜月。問到會否急於造人生小孩，她說：「我哋唔心急，老爺奶奶都冇催，因為大家相識唔係太耐就結婚，要把握二人世界。但我哋唔會刻意避，都未有計劃，不過BB要嚟就接住。」
老公愛榴槤
另外，梁詠琪與夫婿現居於香港，間中回西班牙探親友，丈夫要求梁詠琪帶他品嚐香港地道美食，她說：「佢鍾意食水餃、榴槤，間中都有煮嘢畀佢食，不過通常佢煮多啲，我就會喺旁邊偷師。」
採訪：王連連
攝影：陳志嵐