無綫《法證先鋒III》演員徐子珊、張可頤、陳茵媺和吳卓羲等，前晚在九展與觀眾一齊睇大結局。陳茵媺在劇中慘死，連張可頤看到也不禁眼濕濕。
徐子珊、胡定欣、陳茵媺和吳卓羲等前晚到九展與觀眾一齊睇《法證先鋒III》大結局，黎耀祥則因拍戲缺席。子珊、陳茵媺和胡定欣大鬥性感，子珊露肉最多，胡定欣和陳茵媺則穿黑色透視裝，同樣性感。張可頤最密實，她笑言配合劇中角色，但其後表示因為晨早開工沒時間揀衫，又自言不是走性感路線。
子珊衣着似泳衣
前晚大結局播到陳茵媺為救蕭正楠而慘死的場面時，現場陳茵媺並沒有哭，反而張可頤睇到眼濕濕，要用紙巾拭淚。子珊的性感打扮被司儀蔡康年當眾取笑：「徐子珊件衫似泳衣。」子珊不甘示弱，拉張可頤落水說：「如果收視好，叫張可頤着泳衣。」可頤即時反寸她說：「乜你家唔係着緊泳衣咩！」
對於近期頻頻打扮性感，子珊解釋為了出席台慶等活動，一次過買了一批靚衫，至於這身性感打扮，子珊說：「唔係好性感，靚啫！胡定欣同陳茵媺都好靚，大家都係為咗尊重場合，為咗靚啫，我都忍唔住成日偷望佢哋。」她坦言之前的《潛行狙擊》大結局平均收視有40點，令她對《法》劇更緊張，希望成績更好。子珊又透露稍後無綫副行政主席梁乃鵬會請《法》劇台前幕後食飯，幾位主角又會宴請所有工作人員。
吳卓羲祝福法拉
吳卓羲下月將與馬國明及陳法拉拍攝新劇《名門望族》，有傳陳法拉臉部三叉神經出現問題，有機會臉癱，可能要辭演該劇，卓羲表示未收到通知，他透露前幾日已試了造型，祝法拉早日康復。
此外，黎耀祥昨日接受商台電話訪問，對於《法證III》收視高很開心，他說：「其實套劇出街，我一直拍劇都未睇過，當中最鍾意同胡定欣喺海邊談情，好浪漫。」
採訪、攝影：黃曉妍