《法證先鋒III》前晚播映兩小時大結局，最高收視有40點，最多人睇嗰場係張可頤同黎耀祥被困嘅戲，全劇平均收視33點，成本年度收視榜首。至於上周六嘅台慶亦錄得31點平均收視，最高嘅34點就係胡杏兒話黃宗澤條脷短嗰段，但台慶都接兩宗投訴，除咗話問答環節嘅答案唔啱外，有觀眾投訴福祿壽跳舞嘅環節表現猥瑣。