【本報訊】由「胸圍大王」馮煒堯所持有的港資廠黛麗斯國際（333），位於深圳的廠房上周中爆發工潮，高峯時約有400至500工人罷工，令這個佔黛麗斯總產能近7%的廠房，生產受到顯著影響。馮煒堯昨日接受本報訪問時表示，公司已邀請政府部門介入，並繼續與員工對話，有信心日內將可以解決事件。 記者：吳綺慧
內地有傳媒報道，指工潮的導火線，是有生產部門主管在責備員工時叫她「去跳樓、去死吧」，最後引來員工集體罷工以示不滿。主席馮煒堯對事件的來龍去脈直認不諱：「我哋一定講事實，唔會隱瞞。的確係主管同員工有口角在先，可能佢用字係有啲過激，但唔會叫佢去死，一定冇！」
有員工要求現金補償
馮煒堯表示，事緣上周三（16日）一名工人和主管發生口頭衝突後，情緒激動，走上天台說要跳樓，當時10多名員工一同阻攔。「我地即時通知咗公安，那位員工之後冷靜番，我地都同佢處理咗個問題。點知第二日就有集體行動，400、500人出咗去外面抗議罷工。」
除了要求事件中的主管公開道歉外，馮煒堯透露有部份員工是要求現金補償：「都唔係傾加人工呢啲，直接啲講係要錢，2、3萬咁。我哋一直都同佢地保持溝通，希望最後傾到解決方案。」
馮煒堯表示，原本到本星期一中午，絕大部份的工人都已經回到車間工作，繼續罷工的工人只有約30名；但到了下午，有內地記者到工廠採訪，情勢再度逆轉，有人呼籲大家再度罷工，馮指有員工更是被恐嚇不要做「衰仔」。
否認違反最低工資規定
有報章引述廠內工人指，黛麗斯給予工人每月的底薪只有500元（人民幣．下同），違反了深圳最低工資的規定，公司又迫他們加班，克扣她們的加班費。對此指控馮煒堯是一口否認，強調公司待遇合法之餘，亦是「能力範圍內做到最好」。
「工人平均每個月收入超過3000元，遠遠高過最低工資超過一倍。我地更加唔會迫工人加班，反而是員工自己想賺多啲。家係鬧工人荒，如果我哋待遇唔好，根本請唔到人呀！」
對於今次被指是血汗工廠，馮煒堯語帶無奈地表示，有些媒體只寫工人的講法，但對他們廠房的回應，就隻字不提：「我哋係開放畀大家採訪，亦向大家交代事實，完全唔寫我哋嘅睇法，係有啲唔公平。我哋家同員工已經差唔多達成協議，希望明天可以告訴大家好消息吧！」
