25歲的日模松岡李那早前患上抑鬱症，幸得潮牌Ground-Zero老闆兼設計師男友PhilipChu一直對她悉心呵護，前晚，一身透視打扮的松岡與Philip到銅鑼灣拍拖行街，其間二人十指緊扣，認真甜蜜。
王友良旗下的日模松岡李那，月前自爆患上抑鬱症，尤幸工作為她帶來快樂，以及有本地潮牌Ground-Zero老闆兼設計師男友PhilipChu為她打氣，令她已康復不少。松岡與Philip拍拖數個月以來感情穩定，前晚記者更發現二人十指緊扣到銅鑼灣鬧巿拍拖行街，二人可謂打風都打唔甩。
全程英語交談
松岡前晚趁不用開工夜會男友，她穿上透視露背裝配蛇紋legging，打扮狂野，雖然松岡已穿上高踭鞋，但她與六呎高的Philip肩並肩而行時，仍矮Philip半個頭。
現場所見，松岡與男友全程用英語交談，而松岡更不時如小鳥依人般靠在男友身邊，其間見二人望住食肆手指指，似乎在研究到哪裏開餐。Philip原本想帶松岡到皇室堡嘆日本家鄉菜，可惜見到餐廳門外大排長龍而打消念頭，結果左揀右揀下，改到附近的鼎泰豐吃小籠包，兩人在店外等了一會便獲安排入座。
記者昨日致電松岡經理人王友良，問到松岡抑鬱症康復情況時，他說：「佢好多謝身邊朋友支持，家情況好咗好多，多謝大家關心。」問是否男友Philip悉心照顧所以康復得特別快？王友良說：「唔好意思，感情嘅事佢唔想多回應。」
對事業有憧憬
據知，松岡很緊張這段感情，她對Philip亦言聽計從，Philip不時送自己設計的潮服給女友着，讓她做生招牌。松岡雖有愛情滋潤，但她對事業仍有憧憬，一向熱愛唱歌的她希望在樂壇有一番作為，稍後更有機會北上演出賺人仔。
採訪、攝影：胡比、李志明