手痕惡搞了王迪詩的一條微博，原文是這樣的「男人也許不會明白，女人購物的時候會進入一種忘我境界，好比做瑜伽那種『天人合一』的感覺。女人沒時間做瑜伽，於是改為購物，兩種活動同樣能鍛煉手腳肌肉，同時達致『精神排毒』的效果。」我把「男人」改成「女人」，「女人」改成「男人」，「購物」改成「召妓」。
有人認為我把王小姐的文章膚淺化，但其實這個比喻，我早在多年前《金雞》的劇本寫過，吳君如演的妓女阿甘，與小賊曾志偉，因停電被困於櫃員提款機中心內，二人無聊，阿甘細訴自己「做雞」的故事，其中一段就是阿甘問曾志偉「男人點解鍾意叫雞？」志偉就反問「女人點解鍾意shopping？」阿甘答「唔知點解㗎！有時唔係好需要，但總之想囉，所以成日買錯嘢，之後又好後悔，但過一排又照買……」「男人叫雞咪一樣，唔知點解㗎，有時唔係好需要，但總之想囉，所以成日叫錯雞，之後又好後悔，但過一排又照叫……」二人相視而大笑，然後同聲說是「心癮！」阿甘續說「其實最高潮係畀錢嗰下！一聽完信用卡過到數dodo聲，個高潮就完，個人謝晒！」志偉和應「其實最高潮係見到隻雞嗰下，一聽完佢叫『san生』，就已經完事，個人謝晒！」然後阿甘有點慨嘆「唯一唔同係，男人就算叫錯雞，一完事就無手尾，但女人仲要喺屋企對住買錯晒嗰啲嘢！」志偉更欷歔地說「男人一樣有買錯返屋企要對住嘅嘢，嗰樣叫老婆！」
最後因片長關係，這段被剪去，謝王小姐給我借題還魂的機會，我到現在仍找不到另一個更貼切的比喻呢！
作者Profile
編劇、導演兼電台節目主持，認為「愛情」是沒有工作時的玩意，「工作」是沒有愛情時的必需。
作者：鄒凱光
逢星期三刊出