36歲的Billy（化名）離開警隊已三年多，但當年警署內發生一件不光彩事件，令他困擾至今。當日他目睹同袍在警署內對一名手無寸鐵的女郎猛打頭部，自己敢怒不敢言，未出手勸阻，令他至今大石壓在心頭。由於女兒將出生，Billy盼盡快消減罪咎感，迎接人生新一頁︰「我想搵番佢（女郎）、親自向佢道歉。」
記者：陳達浩 黃偉民 歐文瀚
中三輟學後做過多個行業，Billy為考警察，花了四年時間讀夜校完成中五。他心中警察不但是優差（當年起薪點1.1萬元），形象亦非常正面。不過，當警員的父親卻勸告他勿理想化：「佢話警察唔係我想像中咁正面，『唔係盡忠職守就夠、亦唔止捉賊拉人……入面有好多黑暗面』，但我唔理，喺94年加入咗警隊。」
讓他一直未能釋懷的事件發生在06至07年間，確實日期早已忘記。Billy說，當時他駐守九龍城警署報案室，有日返早更回到警署時，見到一名女郎伏在報案室桌上，「無人知佢點解喺度，佢一時起身發癲鬧人，一時就趴喺度……大家都覺得佢係high大咗（濫藥）。」Billy很記得，該女郎叫劉楚紋，當時26歲，約1.5米高，身形嬌小，留一頭短直髮、尖臉，戴着太陽眼鏡且衣着入時，「好似個wet妹咁」。
安慰事主會被當怪人
Billy續說，同僚本來叫劉女去後面沙發坐着休息一下，怎知她突然彈起發惡爆粗罵人，「我哋係差人嚟，俾人係咁問候老母，梗係鬧番佢轉頭」。對罵間劉女失控將「助理值日官」的膠牌扔爛，眾人見狀馬上以涉嫌刑事毀壞將她拘捕。
Billy與一名警長帶劉女到報案室後一間小房查問，門一關，警長即猛力用手拍打女郎頭頂，令她痛得兩行眼淚直流，也震撼了Billy的心。「我覺得沙展做錯，但若果我去安慰個女仔，只會俾夥計當係怪人。」他不想得失同僚，未有阻止警長暴行。
劉女事後投訴被打，但Billy沒說出真相，投訴不了了之：「嗰時根本唔會指證同事，除非唔想做……如果我仲喺警隊，根本無勇氣講個真相出嚟。」Billy堅拒透露打人警長身份，「我唔想沙展有事……只想向劉楚紋道歉。」
迎新生命盼減罪咎感
Billy見盡警隊陰暗面後，於08年毅然放棄月入2.5萬元的警務工作，與朋友做生意。他一直堅信自己是個好警察，做事光明磊落，然而這件在別人眼中沒有甚麼大不了事情，卻如鬼魅不斷在他腦海浮現，「又唔係姦淫擄掠，根本就唔使打。」他亦後悔未有勸阻。
本身是基督徒的Billy，決心尋回劉楚紋親自道歉，源自新生命來臨。「邊個唔係罪人呢？家已經無做（警察），我個女下個月20號就出世，我想喺個女出世之前講番件事，令自己嘅罪咎感消減，第時都可以喺仔女面前做到好榜樣……所以我想搵番劉楚紋，當面道歉。」
